قال الدكتور هاني تمام، أستاذ الفقه بجامعة الأزهر، إن كثرة الإنجاب تتحول إلى كارثة، ومقولة العيال عزوة بتتحول لنقمة، مضيفا: “كل أب لابد أن يراعى قدراته المالية والصحية والاجتماعية، فى عدد الاطفال التى يريد إنجابهم”.
وتابع أستاذ الفقه بجامعة الأزهر، خلال حواره مع الإعلامية مروة شتلة، ببرنامج “البيت”، المذاع على فضائية “الناس”، اليوم الأربعاء: “العيال عزوة ليس فى الدنيا، وإنما فى الآخرة هتبقى عزوتك الحقيقية لما تربيهم صح ويكونوا نافعين لدين ربنا، العبرة مش أجيب عيال ولا أعرف اربيهم وأقول العيال عزوة، ومش عارف أراعيهم صحيا ولا اجتماعيا ولا ماليا”.
واستكمل: “لما تنجب عيال أكثر من طاقتك وقدراتك، فأنت كده بتظلم ولادك، لازم تراعى قدراتك الصحية والنفسية والاججتماعية، العيل ممكن يكون نقمة عليك ممكن يكرهك اليوم اللى خلفته فيه، ويتحول لعدو لك، لما لا تحسن تربيته ولم تراعى ربنا فيه”.
