تصدرت الإعلامية بسمة وهبة محرك البحث جوجل، بسبب بكائها في برنامج العرافة، خلال حلقتها مع الفنان محمد فؤاد، ومن شدة بكاءها كانت ترغب في مغادرة الحلقة وعدم استكمال التصوير، إلا أنها تراجعت واستكملت الحلقة.
وفوجئت الإعلامية بسمة وهبة بغناء الفنان محمد فؤاد أغنية (طمني عليك)، فلم تتمكن من السيطرة على نفسها واجتاحتها نوبة بكاء شديدة وطالبته بالتوقف عن الغناء متأثرة بكلمات الأغنية.
وخلال الحلقة قال الفنان محمد فؤاد واصفاً بسمة وهبة للجمهور: «اللي قدامكم دي أوطنة وعاملة 7 رجالة، وكل الكلام ده هتش، أنا عارف نقطة ضعفها وهوريهالكم دلوقتي، أنا هفرجكم عليها دلوقتي».
وبعد الحلقة ردت بسمة وهبة في فيديو نشرته على حسابها على فيسبوك قائلة: «بص يا محمد يا فؤاد أنا بجد مش مسامحاك ومتشكرة ليك لأن الأغنية بقيت أسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما تشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر، بحب ولادي وواحشني، بحلم إني أشوفهم وسعيدة لما بشوفهم».
وأضافت: «مش مسامحة إنك اتكيت على الحتة دي ودموعي تنزل مش هو ده الصح زعلانة منك، مدربة نفسي، الأغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم وأشوفها عشان تصبرني وأنا ولادي مش عايشين معايا من صغرهم كل واحد في بلد..».
وتابعت: «أنا كبرت وعرفت دلوقت إني كبرت لأن مشاعري مش بتتحمل، بيوحشوني أكتر من الأول وبشتاق لهم اكتر من الأول ونفسي أعيش معاهم أكتر من الأول، أنا لولا إني بحترم المحطة كنت سبت الحلقة بس أنا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعف..».
