تساءل السيد الرئيس عبد الفتاح السيسي خلال فعاليات موسم حصاد القمح 2025 عن سبب عدم وجود مصنع لإنتاج لبن الأطفال (لبن البودرة) في مصر حتى الآن، مشيرًا إلى حجم الاستيراد الضخم الذي يصل إلى 45 مليون علبة سنويًا. وقال الرئيس مخاطبًا المسؤولين: “لبن البودرة 45 مليون علبة .. لغاية دلوقتي ميتعملش مصنع لإنتاج لبن الأطفال في مصر؟ واستورده ميتعملش مصنع.. امسكه في موضوع موضوع وخلصوه”.
الرئيس السيسي
وأضاف الرئيس السيسي موجها كلامه للمستثمرين ورجال الصناعة والغرف التجارية: “إذا كنتم عاوزين تنقلوا بلدكم من وضع لوضع أحسن مش هيبقا سهل.. هتبحث وتجرى وتصر على موقفك لغاية ما ربنا يسدد خطاك.. عاوزين نستفيد كرجال صناعة وزراعة وحكومة علشان مصر وعلشان نغير الواقع اللي إحنا فيه”.
كما أكد الرئيس على أهمية الاستفادة من الموارد المحلية في الإنتاج الغذائي قائلاً: “بدل ما أدي فلوس كل شهر في تكافل وكرامة ممكن أدي حاجة من دي تغني الناس.. إنتاجنا في اللحوم والألبان يغني الناس.. طيب إزاى نقدر نعملها مع بعض؟ هل ده معناه الراجل اللي في القطاع الخاص ميكسبش؟ لا يكسب”.
يأتي هذا الحديث في إطار حرص القيادة المصرية على تعزيز الاكتفاء الذاتي وتقليل الاعتماد على الاستيراد، ودعم القطاع الصناعي والزراعي لتحقيق التنمية المستدامة وتحسين مستوى المعيشة للمواطنين.
