تصدرت حورية فرغلي التريند على مواقعالتواصل الإجتماعي وذلك بعدما كشفت ريم طارق، طليقة مطرب المهرجانات حسن شاكوش، عن حقيقة مزعومة تجمع بين حسن شاكوش والفنانة حورية فرغلي أثناء زواجها.
أبدت ريم طارق رأيها حول الوضع قائلة: ” أنا محاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه” .
وعندما طُلب منها تقديم اعتذار لحورية فرغلي، رفضت ذلك بشكل قاطع، موضحة: “حورية فرغلي قالت إني مذكرتش اسمها وإني قولت حرف بس، وهي مش زعلانة وأنا مجبتش سيرتها، ومش هعتذر لإني مقولتش مين الشخصية”.
أكدت ريم طارق أنها اكتشفت خيانة حسن شاكوش لها، وذكرت:”كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت، كتبت له: (إنت وصلت يا حبيبي)”.
وأضافت: “قعدت 30 يوم في رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك”.
لم يتخذ حسن شاكوش موقف الصمت وقرر الرد على التساؤلات التي طرحت حول علاقته بحورية فرغلي. نشر صورة له مع حورية فرغلي على صفحته الشخصية على فيسبوك وعلق قائلاً: “أشكر جمهوري الكريم على دعمهم وتفهمهم للوضع الحالي. لقد رأيت معظم التعليقات وأقدر كلمة كل شخص، حتى إذا كانت على عكس الحقيقة. دائمًا في النهاية، الله هو الحكم والصمت وعدم الرد أكثر راحة من الكلام. ولكن بخصوص الفنانة الرائعة حورية فرغلي، فلا يجوز لي أن أعلق على وجودها في هذه القضية. برجاء عدم تداول الأخبار الكاذبة واحترام رغبتي في الصمت. أعتذر مرة أخرى إذا تعرضت لأي إزعاج.”
ردت حورية فرغلي على الاتهامات الموجهة إليها في مداخلة هاتفية مؤخرًا. قالت: “أنا عمري في حياتي ما شوفته خالص عمري ما قابلته ولا عمري شوفته ولا أعرفه ولا عمري في حياتي شوفته.. ولو هي قالت تالت حرف من اسمها (ر) مش حورية بس ما فيه شيرين.. ده أنا أصلًا حتى ما بصاحبش هعرف حد متجوز! أنا مش كده خالص مع احترامي لشاكوش لا أنا بتاعت الكلام ده ما بصاحبش حتى حد متجوز صداقة يعني”.
