أعلنت الفنانة منى فاروق، تراجعها عن قرار اعتزالها الفن الذي كانت قد اتخذته قبل ساعات، لتعود وتناشد الفنان أشرف زكي نقيب المهن التمثيلية، والفنان أشرف عبد الباقي، لمساعدتها بعد سرد معاناتها بسبب امتناع الوسط الفني عن التعامل معها.
وقالت الفنانة منى فاروق، في رسالة نشرتها عبر حسابها الرسمي على موقع إنستجرام، إن الفن هو مصدر رزقها الوحيد، وكتبت: “الكلام اللي بقوله ده خارج خالص عن فكرة إني أخد التريند وأعمل زي أي حد.. أنا قلت أعتزل الفن لسبب واحد وهو إن ده مصدر رزقي الوحيد اللي أنا بحبه وعايزة أشتغله، لكن لما أوصل لمرحلة إني مش عارفة أدفع إيجار بيتي حاجة تتعب”.
وأكدت منى فاروق، أنه قد تم مقاطعتها فنيا بصورة مبطنة، إذ أنها سمعت بأذنيها بعض صناع الأفلام وهم يرفضون التعاون معها، حتى لا تضر بأعمالهم، مضيفة: “أنا محتاجة اشتغل عشان أقدر أعيش زي أي بني آدمة طبيعية.. أنا غلطت وربنا بيسامح.. ليه البني أدمين مش عايزين يسامحوا؟ أنا بسمع بودني بلاش منى عشان الفيلم ميضرش، ليه يا ربي أنا بقيت منبوذة من كل الناس؟”.
وتابعت: “أنا مش طالبة غير إني أشتغل في الحاجة اللي بحبها عشان أعرف أعيش .. المجتمع حاططني في المكان الوحش بس مش يمكن عايزة أبقى كويسة زي أي واحدة؟ ليه بتقفلوا قدامي كل حاجة؟”.
وناشدت منى فاروق نقيب الفنانين أشرف زكي والنجم أشرف عبد الباقي، ليساعدوها في إيجاد عمل فني تستطيع من خلاله العودة لممارسة حياتها بصورة طبيعية، قائلة: “أناشد دكتور أشرف زكي والأستاذ أشرف عبد الباقي وشركات الإنتاج.. محتاجة الشغل عايزة أعرف أعيش.. ولما قلت قرار أعتزل من أجل لو حد شافني بشتغل في محل لبس أو أي شغل ميقولش إيه ده؟ والله مش طالبة غير أشتغل.. عايزة أشتغل أبوس إيديكم”.
