في رسالة موجهة لزوجات مشجعي نادي الزمالك، وجهت الإعلامية ياسمين عز نصيحة قوية قائلة: “فرعونك الزملكاوي عنده أزمة ثقة من بداية الموسم بلاش تقفي له علي الواحدة ولو مسك تليفونك قوليله خد راحتك ولو نزل في أي وقت متسألهوش رايح فين وجاي منين”.
وتابعت ياسمين عز خلال برنامج “كلام الناس” الذي يُعرض على قناة “MBC مصر”: “فرعونك الزملكاوي بيهرب اليومين دول من كل السوشيال ميديا بسبب تحفيل الأهلاوية عليه، وبيقضى معاكي انتي أطول فترة ممكنة ونادرا لما يمسك موبايله خليكي انتي بقى رقيقة معاه ومتزوديش نكد علي نكده وحاولي تقللي معاه جرعة النكد واكتمي أي نكد لحد لما موده يتعدل، إحنا دلوقتي في فترة الانتقالات ولاعيبة عقودها بتخلص ولاعيبة بتجدد عقودها وهو عنده مشكلة في العقود فياريت متفتحيش معاه اي عقود خاصة بالإيجار أو اي اي شيء”.
وأضافت ياسمين عز: “فرعونك حبيبك الزملكاوي لو خط دفاعه خذله الفترة الأخيرة لازم تكوني خط دفاعه الأول اللى ميدخلش فيه جون ولو خط وسط خذله لازم تكوني رمانة الميزان في كل قراراته ولو هجوم خذله لازم تكوني مهاجمه الأول مع أي حد يهاجمه”.
وأشارت عز إلى معاناة حارس نادي الزمالك، محمد صبحي، حيث قالت: “يعيش محمد صبحي حياة صعبة في الأيام الأخيرة بسبب هجوم جماهير الزمالك عليه. إنه الشاب الذي اشترى الزمالك في وقت كان قريبًا جدًا من الانتقال إلى نادٍ آخر، لذا يرجى عدم التأثر برحيل أبو جبل. هذا لا يمكن ولا يصح أن يتم اعتباره بسبب عدم نجاحه في مباراة واحدة بالطريقة التي يتعرض بها للهجوم. تذكروا الرجل الذي اشتراكم واحتفظوا به في قلوبكم”.
