قالت ياسمين عز في منشور عبر صفحتها الرسمية بموقع فيس بوك: يا مدام أنا وعدتك إنك هتشوفيني في رمضان ووفيت بوعدي، أرجوكي بعد ما تخلصي شماتة، زي ما أنا فرحتك، تقومي تفرحي فرعونك بكوباية شاي، وطبق قطايف بالمكسرات، وماتحطيش سكر علشان منبع السكر قاعد جنبك، مشاهدة ممتعة يا مدام، تعقيبًا على خبر ظهورها اليوم في برنامج رامز نيفر إند، الذي يقدمه الفنان رامز جلال
على جانب آخر، أعلنت قناة MBC مصر عبر حسابها الرسمي على انستجرام، أن الإعلامية ياسمين عز ضيفة رامز نيفر إند اليوم، معلقة: الإعلامية ياسمين عز الضحية الثالثة لـ رامز جلال في رامز نيڤر إند.. انتظروا المفاجأة بعد الإفطار مباشرة على MBC مصر.
وفي وقت سابق، أعلنت ياسمين عز استمرار عرض برنامجها في شهر رمضان، مؤكدة أن برنامجها ليس برنامجًا عن المقالب.
وقالت خلال حلقة سابقة من برنامجها كلام الناس عبر شاشة mbc مصر: البرنامج ده مش مقلب ده برنامج حقيقي وفرعوني والمقلب الحقيقي إنك تعتقدي أنك مش هتشوفيني في رمضان ولكن هتشوفيني على قلبك لازم أطل عليكي في رمضان.
كما نصحت ياسمين عز السيدات بعدم تخزين الأغذية في شهر رمضان، معلقة: عندنا عادة لازم نبطلها وهي الفرزنة، وإنك تفرزني كل حاجة في الفريزر، حتى حوسة رمضان ما بقاش فيها بركة بلاش افترى وخلي اليوم بيومه محدش ضامن عمره.
