علق والد الطالبة نيرة أشرف، على حكم الإعدام على قاتلها محمد عادل، قائلا: “بنتي جاتني في المنام قبل تنفيذ حكم الإعدام بـ24 ساعة، بس ما اتكلمتش ولا قالت حاجة، وأنا قلتلها حقك هيرجع، ومش مسامح أي حد قال كلمة في حق بنتي”.
وأضاف في تصريحات صحفية: أنا هروح لبنتي القبر وأقولها حقك رجع، والحمد لله كل الاتهامات اللي الناس اتهموا بيها بنتي ربنا أخد حقها وربنا ينتقم من أي حد جاب سيرة بنتي، وأسرته هما اللي عملوا كده علشان يطلعوا ابنهم على حساب سمعة بنتي.
وتابع: دائما كنت متردد على قبر نيرة بنتي في زيارة أسبوعية إلى قبرها كل يوم جمعة، وربنا استجاب دعوتي وبالأمس كنت أتمنى من الله أن يعدم، وربنا كبير واستجاب دعائي في 48 ساعة، منكم لله ومش سامح أي حد قال كلمة في حق بنتي، وهشوف فيكم يوم.
ونفذت صباح اليوم الأجهزة المختصة، حكم الإعدام على محمد عادل المتهم بقتل الطالبة نيرة أشرف، أمام بوابة كلية الآداب بجامعة المنصورة في محافظة الدقهلية، وذلك بعد رفض الطعن المقدم من قبل المتهم.
