تحدثت الفنانة فريدة سيف النصر عن العديد من الأسرار في حياتها الشخصية ومنها تعرضها للخيانة من زوجها مع صديقتها، إلى جانب حديثها عن رأيها في عمليات التجميل، وذلك خلال استضافتها في أحد البرامج التليفزيونية.
أكدت فريدة سيف النصر أن زوجها قد خانها مع صديقتها، وكان ذلك صادمًا لها، وصرحت قائلة: “زوجي اتعلق من بيتي وصاحبتي خطفته، وكنت بسيبها تاكل وتشرب وأنرل أروح التصوير وأجيبلهم حاجات، وكانت من برا الوسط الفني.”
وعن كيفية اكتشافها للخيانة، قالت فريدة سيف النصر: “اكتشفت الخيانة من التليفون.. رفعت سماعة التليفون وسمعت كلام لا يمكن أتخيله، وهو ضربني وقال لي دي جزمتها برقبتك، وطلبت الطلاق لأني عندي عزة نفس.. وكانوا متجوزين وأنا مكنتش عارفة، ومحمد ابني وهو صغير كان بيقول لي حاجات مخدتش بالي منها.”
وفيما يتعلق بعمليات التجميل، أبدت فريدة سيف النصر قناعتها الكاملة بجمال الشكل الطبيعي، وأنها لا تحتاج لإجراءات التجميل التي تعتمد على الحقن بالمواد الكيميائية، وقالت بثقة: “أنا هستفاد إيه لما أنفخ نفسي وتجيلي بعدها أمراض كتيرة، وأنا جبانة جدًا وبخاف من الحقن.. وسعيدة بظهور التجاعيد على وشي، البوتوكس بينفخ الوش وبيجيب أمراض.. البوتوكس ده معمول من نوع من سم التعابين، ومعنديش مشكلة مع الشكل لأني لما اتنفخ وأتعب بعدها هستفاد ايه ربنا خلقنا كده وهنكمل كده.”
أضافت فريدة سيف النصر أنها خلال فترة من حياتها ارتدت الحجاب، وكشفت عن الأثر الذي تركه ذلك عليها، وقالت: “أنا بخاف من الموت جدًا وجبانة جدًا، وبمجرد بشوف حيوان بيموت قدامي بيحصل لي رهبة، وأخويا مات عنده 21 سنة، ولما اتحجبت اتطلقت الطلقة التانية لأنه معجبش جوزي.”
وتابعت حديثها: “مبشفش قبر ولا بروح عزاء مش نداله مني ولكن مبقدرش، والوحيدة اللي جاتلي البيت واتحجبت بعديا علطول سوسن بدر وهي أختي في الرضاعة، وياما اتهزقت من عفاف شعيب بس رديت عليها واتصالحنا.. ومحدش قدر عليا، وقررت أخلع الحجاب لما دخلت مع ناس محجبات وعملنا محل مع بعض ومخدتش فلوس خالص منه.. وحسيت إني لازم أنزل اشتغل.”
