استوقف الإعلامي عمرو الليثي، ببرنامج “واحد من الناس”، المذاع على قناة الحياة، عم شعبان حامد بائع فاكهة في الشارع وسأله عن طبيعة عمله ودخله اليومي من بيع الفاكهة، ورد قائلا: “بجيب الفاكهة من سوق الجملة وبقوم من النوم على الشغل علطول وبرجع مع الفطار”.
وأضاف: “عندي 3 أولاد اتنين منهم في مراحل التعليم واللي يجيبه ربنا كويس من رزق ودخلي في الشهر حسب الرزق ومليش دخل يومي ثابت لكن لو ربنا كرمني بـ50 جنيه أو 100 جنيه في اليوم يبقى حلو وربنا هو اللي بيقضيها”، مشيرا إلى أنه يأخذ علاج غضروف لظهره ويحمد الله على ما اعطاه.
وقدم الإعلامي عمرو الليثي، هدية مبلغ 5 آلاف جنيه من برنامج “واحد من الناس” لعم شعبان الفكهاني دعم من البرنامج، وعبر عن سعادته من الهدية وأكد أن أول شيء سيفعله من الهدية سيتبرع بـ500 جنيه للفقراء والمحتاجين لأنه يشعر بالفقراء مثله.
