تحدث رضا البحراوي في لقاء مع الفنانة إسعاد يونس في برنامجها “صاحبة السعادة” المذاع عبر قناة DMC، بإشادة عن تجربته مع محمد عادل إمام، وأكد رضا أن محمد عادل إمام كان له دورًا كبيرًا في حياته الفنية وأنه يدين له بفضل كبير، وتعاقد رضا البحراوي في البداية مع نجم كبير للغناء في أحد المسلسلات، لكن تم استبداله بشخص آخر، مما أثار استياءه.
قال رضا البحراوي في اللقاء: “ممكن أكون مخلص الأغنية وفرحان وحد تاني يجي يعرض فلوس وياخدها، حصلتلي مرتين ومنهم مسلسل ناجح أوي، وكنت اتفقت مع النجم الكبير اللي كان في العمل وبعدين وأنا في الطريق كلمني وقالي بلح، قولتله حسبي الله ونعم الوكيل ولفيت ورجعت، وقعدت بعدها سنة مفيش شغل.”
وأعرب رضا البحراوي عن امتنانه الكبير لمحمد عادل إمام، حيث قال: “بعد موقف المسلسل لقيت مدير أعمال محمد عادل إمام قالي الفنان عايز يقعد معاك، روحت قعدت معاه ووقتها كان في مسلسل هوجان ولقيته إداني تتر بداية ونهاية وسجدت على الأرض وحمدت ربنا، وقالي أنا مش هسيبك علشان أنت اتظلمت كتير.”
أكد البحراوي بشكل قاطع أن محمد عادل إمام هو الفنان الذي له فضل كبير عليه. قال رضا: “جالي مسلسلات كتير أوي، ولكن لازم أستأذن منه الأول وده حب وبيديني رأيه ويقولي ده أه وده لا، وهو كان حببني أوي من قبل ما أروح له، وتعاون معايا ووقف جمبي، وأنا من حبي بقيت أقوله أنا مش عايز حاجة منك من أدبك واحترامك وكفاية أنه نصرني قدام الناس وخلى ليا نفس، وهو صاحب فضل عليا.”
