وجه النجم تامر حسني، رسالة مؤثرة لجمهوره، وكتب عبر صفحته الشخصية بموقع فيس بوك”: “فجر الرزق والستر والشفاء والعافية للجميع. خطر في بالي شيء مهم يمكن الكل يعرفه بس أحيانًا نحب نقوي بعض بيه. فأنا هكتبه لكل شخص مش لاقي سبب للي هو فيه أو حد تعبان”.
وأضاف في حديثه: “مفيش دكتور عارف يريحه أو حد بيطلب حاجة من ربنا ومبتحصلش. لو دايمًا بتدور على أسباب منطقية ومش لاقي، أوعى تفهم غلط وتحس إن الأبواب مقفولة في وشك من باب النحس أو حظك وحش. لا أفهم أن كل قدر كتبه لك ربنا له حكمة قد لا تفهمها أو تستوعبها حالاً بس هتعرف قدام هي حصلت ليه”.
واختتم حديثه بكلمة غامضة جملية وقوية، قائلا: “والمهم اللي عايز أقوله هلخصه في جملة “إذا عجزت الأسباب فأذهب للمُسبب”، اذهب لرب الأسباب اتكلم معاه جايز عايز يسمع صوتك”.
