تحدثت المطربة بوسي، خلال حوار ببرنامج “حبر سري”، مع الاعلامية اسما ابراهيم، على قناة القاهرة والناس، عن تفاصيل غير متوقعة عن شخصيتها، اقتحمت بها مواقع التواصل الاجتماعي السوشيال، نرصد أبرز هذه التصريحات في سياق التقرير التالي.
ندمانة على العمل في شارع الهرم وكنت بضرب عشان اشتغل
أكدت المطربة بوسي، ندمها على العمل في شارع الهرم خلال فترة مبكرة في بداية حياتها الفنية، قائلة: “مقلتش شغلي في شارع الهرم تنازل لكن ندمانه على الشغل في شارع الهرم لكن هو علمني اتعامل مع الناس وخلاني عندي خبرة في التعامل”.
وأقرت بوسي، أنها لم تكن تحب العمل في شارع الهرم لأنها لا تشبهها، مضيفة: “بصراحة مكنتش حبه اشتغل في الاماكن دي والأماكن دي مش شبهي وشفت فيها حاجات كتير ولكن كنت عيلة صغيرة وبأكل عيش”.
واستكملت: “كنت مش عايزة استمر وكنت مجبورة على الشغل وكنت شغالة بالإكراه واضربت عشان انزل الشغل وتعرضت للإهانة، وبحمد ربنا أن ربنا لسه مخلي فيا عقل من اللي شوفته”.
نفسي أموت وربنا راضي عني وظلمت نفسي كتير
كشفت المطربة بوسي، موقفها من اعتزال المهنة والتفرغ لمنزلها وأسرتها، قائلة: “في أوقات بيجي على الواحد من كتر الحرب في الشغل والصعوبات في الحياة عموما والمهنة خصوصا بتبقي عايزة تسيبها مخضرة بس برجع افكر وتشوفي قد ايه تعبت وطلع عيني عقبال ما وصلت للي فيه وشقيت واستحملت حاجات كتير للوصول للنجومية”.
وأكدت بوسي، خلال حوارها ببرنامج “حبر سري”، مع الاعلامية اسما ابراهيم، على قناة القاهرة والناس، أن هناك خطوات فنية كثيرة لم تنفذها حتى الان وتتمنى مفارقة الحياة في رضا الله فقط، مضيفة “في حاجات كتير لسه معملتهاش في الفن وبطلب من ربنا دائما خذني وأنت راضي عني”.
وتابعت: “اتعودت ابقى قوية من صغري بس ممكن يكون بسبب أني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والاخر هي ست لكن عمري ما ظلمت حد بل ظلمت نفسي في حاجات كتير”.
لا أوافق على المشاركة في دويتو مع شاكوش وحمو بيكا
أكدت المطربة بوسي، أنها لا توافق على المشاركة في دويتو مع مطربي المهرجانات حسن شاكوش أو حمو بيكا، موضحة: “لو شاكوش أو بيكا عرضوا عليا اعمل دويتو مش هقبل ومش عايزة اعمل النوعية دي من الاغاني وهما شغالين بطريقة أنا مش بغنيها”.
وأضافت بوسي، خلال حوارها ببرنامج “حبر سري”، مع الاعلامية اسما ابراهيم، على قناة القاهرة والناس، أن حمو بيكا وحسن شاكوش بيغنوا مهرجانات غير الغناء واللون الذي تغنيه هو في الأغاني الشعبية، كما أشارت إلى أنها تعتمد على نفسها منذ صغرها لعدم وجود سند لها في حياتها.
وأكدت المطربة بوسي، عدم غضبها من غناء النجمة شيرين لأغنية “آه يا دنيا”، قائلة” “مضيقتش لما شيرين غنت أغنيتي لأن نجمة كبيرة زيها تغني أغنيتي في بدايتي كانت حاجة كويسة، وانصحها تفوق وترجع لشيرين بتاعت زمان اللي كلنا عارفنها ودي نصيحة لأني بحبها”.
لم أمنع طليقي من رؤية ابنه بالقوة ونفسي أروح لدكتور نفساني
أكد المطربة بوسي، عدم منعها طليقها لرؤية ابنها وأنه لم يسعى لرؤية ابنه، قائلة: “مش مانعة طليقي يشوف ابنه بالقوة وهو مش بيشوفه عشان لم يسعى لده وهو بيقول للناس أني مانعاه ولكن عمري ما امنع ابني يشوف ابوه وابني مطلبش يشوف ابوه ولا أبوه طلب”.
واضافت بوسي، خلال حوار ببرنامج “حبر سري”، مع الاعلامية اسما ابراهيم، على قناة القاهرة والناس، اليوم الجمعة، أن طليقها لم يصرف على ابنهما نهائيا، متابعة: “مش بيصرف عليه وأنا اللي متكفله به من يوم ما اتولد حتى الان”.
ونفت بوسي، ذهابها لطبيب نفسي قائلة: “المرض النفسي زي أي مرض وكلنا جوانا حاجات محتاجة دكتور نفسي وأكيد نفسي اروح لدكتور نفسي ولكن الدكاترة قليل لما تلاقي حد تثق فيه لكن عمري ما رحت لطبيب نفسي”.
