كشفت الفنانة هدى مجد عن تعرضها للأبتزاز في بداية مشوارها الفني في مصر والمغرب قائلة: اتعرضت للأبتزاز كانوا عايزين منى علاقة غير سوية مقابل أني أمثل وحصل معايا دة في كل مكان.
وأوضحت كيف تعاملت مع هذه التجربة وذلك خلال استضافتها في برنامج فيس أوف والذى تقدمه سارة نخلة قائلة: زمان وأنا صغيرة مكنتش بعرف اتعامل وبحمل نفسى مسئولية أو ان أنا أديت إشارة غلط للراجل علشان يقولى كدة لكن الواحد بيكبر ويفهم ان انا مليش ذنب.
وأضافت: لما حد بيكون عنده سلطة كبيرة مخرج أو منتج أو ممثل كبير بيستخدم السلطة دي بشكل غلط ونفسي نخلص من دة لأنه بيحصل في كل الدول.
وأوضحت الفنانة المغربية رأيها في تجميد البويضات لافتة إلى أنها خاضت هذه التجربة، معلقة: “لأني مش عايزة أتجوز حد علشان بس اتجوز وأخلف منه وبعدين أطلق، أنا عايزة أتجوز حد أكمل معاه حياتي”.
وتابعت في حوارها مع الفنانة سارة نخلة، قائلة: “عايزة أرتاح نفسيًا وأربي أولاد أسوياء نفسيًا، الواحد يعمل تجميد بويضات أحسن ما يصرف فلوسه في تجميل مثلًا”، وكشفت رأيها في عمليات التجميل، معلقة: “أنا مش ضدها في حالة إني محتاجاها بس علشان مبقاش مدمنة ليها بعد كدة”.
