أكد الرئيس عبد الفتاح السيسي، أن السوشيال ميديا عبارة عن دردشة الناس مع بعضها على الهواء، قائلا: زي ما كان الناس بيقعدوا قبل كدا على القهوة يدردشوا، في النهاية كل واحد مننا بيشوف اللي بيتعمل، إذا بتتعامل مع مدرسة أو مستشفى وتتعامل بشكل جيد أو سيئ يظهر”.
ووجه الرئيس السيسي كلامه ردًا على سؤال أحد شباب البحيرة: بطمنك إن الجيل دا شاف الأحداث اللي حصلت، اللي بيتولى قلوب العباد رب العباد، وكل واحد بياخد نصيبه فاللي بيتولى الموضوع ربنا، ونؤمن أنه مهيمن على الدنيا.
وأضاف الرئيس السيسي، في لقائه مع أهالي قرية الأبعادية، خلال زيارته القرية لافتتاح عدد من المشروعات ضمن مبادرة حياة كريمة: احنا كدولة عملنا مشروعاتنا لا تكون متوقفة على الحكم أو فترة معينة، بل خطتنا نهدف لبناء الدولة لعشرين أو ثلاثين عام مقبل.
