قالت الدكتورة أماني الشريف، أستاذ المناعة والميكروبيولوجي بكلية الصيدلة جامعة الأزهر، إن العادات الصحية غير السليمة تصيب الجسم بالأمراض والتى قد تصل إلى السرطان، لافتة إلى أن جسم الإنسان يعمل نتيجة البيئة التى يعيش فيها.
وتابعت أستاذ المناعة والميكروبيولوجي بكلية الصيدلة جامعة الأزهر، خلال حوارها مع الإعلامية سالي سالم، ببرنامج “البيت”، المذاع على قناة “الناس”، اليوم الأحد: “يعنى إيه بيئة الجسم يعنى إنسان مدخن كده جسمه فى بيئة غير صحية، طيب بيأكل أكل غير صحى برضوا ده بيأثر على الجسم وبيسبب زيادة السموم، عنده إنفعال وضغوط طول الوقت ده بيخلى الجسم يفرز سموم، تكرار تناول الوجبات إحنا المفروض الطبيعى نتناول وجبتين فقط، لكن طول اليوم أكل ده خطر، إحنا جسمنا 70% مياه، يبقى لازم نشرب مياه كثيرا وليس تناول طعام كثيرا”.
وأوضحت: “حتى تسوية الطعام بنضع صوصات ومكسبات طعم ولون، كل ده مضر، ونسينا طبق السلطة المعمول من الخضروات غير المطهية، وكمان بنستخدم معادن تؤثر على جسمنا وتجعل جسمنا ملوث بالسموم، وكمان تناول البرتوينات الحيوانية يصيب الجسم بالسموم أيضا، لازم نعمل زى أهالينا زمان كانوا بيأكلوا مرة أو اثنين فى الأسبوع
